تیرہ سالہ لڑکے کی کمائی چودہ لاکھ ماہانہ

برطانیہ کے شہر برائٹن میں ایک تیرہ سال لڑکا کیلون آج کل دن میں‌ چھ گھنٹے گٹار بجا کر مہینے میں‌لگ بھگ چودہ لاکھ پاکستانی روپے کے برابر رقم کما رہا ہے۔

کیلون شہر میں عوامی مقامات پر روزانہ چھ گھنٹے گٹار کی پریکٹس کرتا ہے جو بقول اس کے وہ اپنی تسکین کے لیے کر رہا ہے لیکن گٹار بجانے میں اس کی مہارت اسے روزانہ 70پاؤنڈ دلوا دیتی ہے۔ کیلون کے قریب سے گزرنے والے لوگ اسے کچھ دیئے بغیر نہیں‌ رہتے۔

بی بی سی ٹیلی ویژن کے مطابق کیلون ان دنوں‌جو گٹار بجاتا ہے اس کی قیمت دو ہزار پاؤنڈ ہے اور یہ گٹار اس نے اپنی کمائی سے خریدا ہے۔

بی بی سی نے اسے گٹار لیجنڈ قرار دیا ہے۔

اسٹریٹ پرفارمنس میں کیلون کی عمر کا کوئی دوسرا اچھا موسیقار نہ ہونے کے باعث اس کے والد رچرڈ اس کے ہمنوا ہیں۔